A Feira do Libro de Madrid ofrecerá aos nenos e nenas, que se acheguen ao Pavillón Infantil das súas instalacións, a posibilidade de coñecer un pouco máis do patrimonio oral e artístico das Rutas xacobeas, grazas ás actividades plástico creativas de Un camiño de Contos.
Este obradoiro enmárcase no proxecto europeo Os Contos do Camiño, coordinado por OQO editora en colaboración co Museo Thyssen-Bornemisza e as editoriais O Bichinho de Conto (Portugal) e La Compagnie Créative (Francia). Durante 2010 participaron máis de 25.000 nenos e nenas de España, Portugal e Francia.
A coñecida contacontos Margarita del Mazo será a encargada de impartir esta actividade na que a través da música, a palabra e a imaxe farase un percorrido virtual polas diferentes vías do Camiño de Santiago.
Cada sesión finaliza cunha actividade plástica creativa na que os nenos e nenas confeccionarán con debuxos un caderno de viaxe.
FEIRA DO LIBRO DE MADRID
Pavillón Infantil.
DÍA: 7 de xuño.
HORARIO: 19.30 horas
