Iban Barrenetxea acaba de converterse nun dos protagonistas dos Premios Euskadi de Ilustración deste ano, ao acadar o primeiro posto coa obra Bombástica Naturalis e quedar finalista con O cazador e a balea, escrito por Paloma Sánchez e publicado por OQO editora. Esta última supuxo a primeira incursión do artista vasco (Elgoibar, 1973) no mundo da ilustración, despois de dez anos dedicado ao deseño gráfico.
Os seus traballos foron expostos, entre outros espazos, na 28 e 29 edición Le immagini della fantasia en Sàrmede, Italia; na Bienal de Ilustración de Bratislava da República Checa e na Irudigile Gipuzkoarrak de Donostia.
Na primeira edición deste certame, en 2009, xa recibira o Premio Euskadi de Ilustración Elena Odriozola, quen tamén conta con varias obras editadas en OQO: A princesa que bocexaba a todas horas, As tres irmás ladroas e Un segredo no bosque.
